"Maður fær ekki til baka það sem maður hafði" : upplifun kvenna á breytingum líkamans í gegnum meðgöngu og brjóstagjöf

Í gegnum barneignaferlið fara konur í gegnum miklar breytingar á líkama sínum, en upplifun þeirra og reynsla er ólík. Sumar þeirra upplifa jákvæðar tilfinningar til líkamlegra breytinga á meðan aðrar finna fyrir neikvæðum tilfinningum til þessara breytinga. Breytingar, eins og breyting á brjóstum og þyngd, geta spilað inn í tilfinningar þeirra og upplifun. Engar íslenskar rannsóknir hafa verið birtar varðandi líkamsímynd kvenna á meðgöngu eða við brjóstagjöf, en samkvæmt erlendum rannsóknum upplifa margar konur skerta líkamsímynd í gegnum barneignaferlið.
\nTilgangur rannsóknarinnar var að kanna upplifun kvenna á breytingum á líkamanum í gegnum meðgöngu og brjóstgjöf. Einnig að skoða upplifun kvenna á líkamsímynd í gegnum brjóstagjafartímabilið, ásamt því að skoða reynslu kvenna á viðhorfum samfélagsins til brjóstagjafar.
\nNotuð var eigindleg aðferðarfræði, þar sem stuðst var við Vancouver skólann í fyrirbærafræði til gagnaöflunar og greiningar. Tekin voru viðtöl við 8 konur á aldrinum 27-47 ára. Þær höfðu allar reynslu af
\nbrjóstagjöf og voru bæði frumbyrjur og fjölbyrjur. Niðurstöður sýndu að konurnar hafa bæði jákvæðar og neikvæðar tilfinningar til líkama síns í gegnum meðgöngu og við brjóstagjöf. Í gegnum barneignaferlið gripu þær í þau bjargráð sem þær höfðu fyrir til að takast á við þær breytingar sem urðu á líkama þeirra. Viðhorf þeirra til líkamans breytist og þær þurfa að læra á breyttan líkama og hjá sumum kvennanna varð breytingin á líkamsímynd varanleg. Viðhorf og skoðanir fagaðila, fjölskyldu, vina og samfélagsins höfðu áhrif á þær á einn og annan hátt. Einnig kom fram að þær konur sem upplifðu neikvæða líkamsímynd hættu fyrr með barnið sitt á brjósti en hinar.
\nÁlyktun: Tilfinningar kvenna til líkama síns geta breyst á meðgöngu og við brjóstagjöf. Konurnar geta bæði fundið fyrir jákvæðum tilfinningum og neikvæðum. Það er mikilvægt fyrir heilbrigðisstarfsfólk sem og ættingja og vini að viðurkenna það og taka tillit til þessa, til að draga úr líkum á andlegri vanlíðan og að konur hætti snemma með börn sín á brjósti.
\nLeitarorð: breastfeeding, body image, postpartum, pregnancy

Récupéré en direct depuis OpenAlex et désinversé. Les résumés ne sont pas conservés dans cette base de données : les index inversés représentent 8,6 Go des 9,3 Go de texte de la base, et le serveur dispose de 13 Go libres.