Að sníða nemendum stakk eftir vexti : kennsla nemenda sem eiga í erfiðleikum með stærðfræðinám

Það getur verið snúið verkefni fyrir kennara að finna leiðir til að styðja nemendur, sem eiga í erfiðleikum með stærðfræðinám, við að auka hæfni sína í stærðfræði. Nemendur, sem ítrekað hafa upplifað ósigur í námi, telja sér oft trú um að stærðfræði sé námsgrein sem sumir hafa á valdi sínu og aðrir ekki. Þeir álíta að þeir hafi ekki það sem þarf til að verða góðir í stærðfræði og sjá ekki tilgang með náminu. Tilgangur rannsóknarinnar, sem hér fer á eftir, er að auka þekkingu og dýpka skilning á reynslu kennara af því að vinna með nemendum sem eiga erfitt með stærðfræði. Leitað var svara við eftirfarandi spurningu: Hver er reynsla kennara af því að vinna með nemendum sem eiga erfitt með stærðfræðinám?
\nTil að svara rannsóknarspurningunni var valin fyrirbærafræðileg aðferð, Vancouver-skólinn, sem ætlað er að auka skilning á mannlegum fyrirbærum. Átta kennarar voru þátttakendur í rannsókninni og byggðust viðtölin upp á opnum spurningum. Fjögur meginþemu komu fram: 
\na) Nemendum, sem eiga í erfiðleikum með stærðfræðinám, er oft kennt í annarri stofu en bekkjarstofu, því það þjónar hagsmunum þeirra betur. 
\nb) Að finna sínar eigin lausnaleiðir hefur jákvæð áhrif, bæði á námsgleði og námsárangur nemenda sem eiga í erfiðleikum með stærðfræðinám, einnig í hópavinnu nemenda sem búa yfir ólíkri hæfni í stærðfræði.
\nc) Ýmsir þættir hafa áhrif á að flestir nemendur vinni með sama námsefni í stærðfræði. 
\nd) Í stærðfræðikennslu nemenda, sem eiga erfitt með stærðfræðinám, er mikil áhersla lögð á vellíðan þeirra, en eitt það erfiðasta sem stærðfræðikennarar standa frammi fyrir er uppgjöf nemenda.
\nLeiðir til úrbóta og hugmyndir að framtíðarrannsóknum voru reifaðar og sú ályktun dregin að fara þyrfti markvisst inn í skólasamfélagið með fræðslu um nýjustu rannsóknir sem snúa að stærðfræðinámi. Fræðslan þyrfti að ná til nemenda, foreldra, kennara, skólastjórnenda og annarra starfsstétta sem koma að stærðfræðinámi nemenda

Récupéré en direct depuis OpenAlex et désinversé. Les résumés ne sont pas conservés dans cette base de données : les index inversés représentent 8,6 Go des 9,3 Go de texte de la base, et le serveur dispose de 13 Go libres.