„Svona á að bjarga fólki“. Um séráætlanir almannavarna

Ritgerðin fjallar um viðbragðsáætlanir almannavarna. Markmið rannsóknarinnar er að varpa ljósi á reynslu aðgerðastjórnenda af nýrri kynslóð séráætlana sem mælt var fyrir um í lögum um almannavarnir árið 2008.
\nLeitað er upplýsinga um notagildi séráætlana við aðgerða- og vettvangsstjórnun. Jafnframt hvort hægt sé að lýsa inntaki þeirrar eflingar sem talin er felast í beitingu séráætlana og hvernig sá árangur birtist. Þá er varpað ljósi á viðhorf lykilaðila til séráætlana í ljósi framtíðarþróunar stofnana og skipulags.
\nUm er að ræða tilviksrannsókn þar sem beitt er eigindlegri rannsóknaraðferð með áherslu á Vancouver-skólann í fyrirbærafræði. Tekin voru tíu djúpviðtöl við stjórnendur lögreglu og sérfræðinga almannavarna auk þess sem fjölþætt gagnagreining fór fram ásamt vettvangsathugunum. Niðurstöður eru settar í fræðilegt samhengi áfallastjórnunar, stefnumótunar, breytingastjórnunar og þekkingarstjórnunar. Auk þess er aðferðum verkefnamats beitt, stöðumat framkvæmt og ábendingar settar fram.
\nHelstu niðurstöður rannsóknarinnar eru að með markvissri og samræmdri gerð sértækra viðbragðsáætlana almannavarna sé stigið framfaraskref. Jafnframt er unnt að lýsa árangri af þeirri reynslu sem orðin er af smíði séráætlana, þjálfun og beitingu. Þá er sýnilegt að áframhaldandi þróun felur í sér sóknarfæri til frekari árangurs og eflingar fyrir almannavarnir og viðbragðskerfið í heild. Enn fremur er hægt að skilgreina tækifæri jafnt sem ógnir er leiða má af mögulegum breytingum í stofnanaumhverfi séráætlana, m.a. varðandi hættu á skorti á staðarþekkingu. Frekari rannsóknir og greining á viðfangsefnum almannavarna og skipulagi er og talin nauðsynleg.

Fetched live from OpenAlex and de-inverted. Abstracts are not stored in this database: the inverted indexes are 8.6 GB of the frame’s 9.3 GB of text, and the host has 13 GB free.