Ávinningur fjölskyldumeðferðarsamtals á meðgöngu- og sængurkvennadeild á virkni fjölskyldna með fyrirbura á vökudeild

Náttúrulegt ferli barneigna reynir á aðlögunarhæfni foreldra og annarra fjölskyldumeðlima að breyttu hlutverki og ábyrgð. Þegar foreldrar eignast fyrirbura sem þarf jafnvel að liggja svo vikum skiptir á vökudeild verða þeir fyrir ákveðinni röskun á aðlögun á foreldrahlutverkinu. Umönnun af hálfu ljósmæðra í sængurlegu á foreldrum fyrirbura á vökudeild hefur lítið verið rannsökuð.
\nHugmyndafræðilegur rammi rannsóknarinnar var Calgary fjölskyldumats- og meðferðarlíkanið. Líkanið lýsir tengslum milli fjölskyldna og hjúkrunarfræðinga með aðaláherslu á starfsemi fjölskyldunnar, samskipti milli fjölskyldumeðlima og þeirrar meðferðar sam framkvæmd er af hjúkrunarfræðingum. 
\nTilgangur rannsóknarinnar var að meta ávinning af fjölskyldu¬hjúkrunar-meðferð í starfi ljósmóður. Meðferðin felst í stuttu meðferðarsamtali sem fer fram á meðgöngu- og sængurkvennadeild Landspítala. Leitast var við að svara tveimur rannsóknarspurningum: Hver er munurinn á upplifaðri tilfinningalegri fjölskylduvirkni mæðra og feðra fyrir meðferðarsamtal annars vegar og aftur þremur dögum eftir meðferðarsamtalið? Veitir hugmyndafræði Calgary fjöl¬skyldu¬hjúkrunar rannsakanda ákjósanleg verkfæri til þess að afla upplýsinga á skilvirkan og markvissan hátt, sýna nærgætni og ígrunda vel samtöl við fjölskyldumeðlimi í barneignaferlinu? 
\nÍ þessari megindlegu rannsókn er stuðst við aðlagað tilraunasnið með fyrir- og eftirprófi. Upplýsinga var aflað um bakgrunn þátttakenda og þeir svöruðu spurningalista um tilfinningalega virkni fjölskyldna fyrir hjúkrunarmeðferðina og aftur þremur dögum síðar. Þátttakendur rannsóknarinnar voru átján foreldrar í sængurlegu sem áttu fyrirbura á vökudeild, níu mæður (n=9) og níu feður (n=9). Hjúkrunarmeðferðin fólst í einu stuttu meðferðarsamtali sem tók að meðaltali 37 mínútur.
\nHelstu niðurstöður voru þær að feður upplifuðu marktækt minni tilfinningalega virkni fjölskyldunnar eftir meðferðarsamtalið en fyrir það. Ekki var marktækur munur á upplifun mæðra á tilfinningalegri virkni fjölskyldunnar fyrir og eftir meðferðarsamtlið. 
\nVið framkvæmd þessarar meðferðarrannsóknar hefur þekking og reynsla áunnist sem mögulega verður nýtt til að þróa meðferðarsamtöl ljósmæðra við umönnun foreldra í sængurlegu. Rannsóknin gefur vísbendingu um mikilvægi þess að rannsaka frekar reynslu foreldra í sængurlegu sem eiga fyribura á vökudeild og þörf þeirra fyrir stuðning og fræðslu af hálfu ljósmæðra. 
\nLykilorð: Foreldrar, fyrirburi, sængurlega, ljósmóðir, fjölskylduhjúkrun, fjölskylduvirkni, meðferðarsamtal.

Fetched live from OpenAlex and de-inverted. Abstracts are not stored in this database: the inverted indexes are 8.6 GB of the frame’s 9.3 GB of text, and the host has 13 GB free.