„Þetta er svona sorg og gleði“ : þróun vinnustaðamenningar íslenskra fjölmiðla með auknum fjölda kvenna sem starfa á ritstjórnum

Tilgangur rannsóknarinnar var að skoða hvernig fjölmiðlafólk lýsir vinnustaðamenningu íslenskra fjölmiðla og hvernig hún hefur þróast síðustu áratugi, allt aftur til sjötta áratugarins. Margvíslegar breytingar hafa átt sér stað á þessu tímabili en rannsóknin beindi sjónum sínum meðal annars að þeim breytingum sem fylgdu auknum fjölda kvenna sem starfa á ritstjórnum. Rannsóknin byggir á eigindlegum rannsóknaraðferðum þar sem tekin voru hálf-opin viðtöl í anda Vancouver skólans. Einnig var hugmyndafræði tveggja femínískra rannsóknaraðferða hafðar að fyrirmynd. Tekin voru 18 viðtöl við karla og konur, til jafns, af þremur mismunandi kynslóðum. Viðmælendur voru spurðir út í upplifanir sínar af vinnustaðamenningu þeirra fjölmiðla sem þeir hafa starfað fyrir. Þar að auki hvaða utanaðkomandi öfl hafa haft áhrif á vinnustaðamenninguna, hvað hafi breyst með auknum fjölda kvenna og hver staða þeirra sé í dag. Niðurstöður rannsóknarinnar sýna að eldri kynslóðirnar séu ánægðari í sínu starfi. Ákveðinn viðhorfsmunur er milli kynslóða og greina má áhrif eldri og yngri á miðkynslóðina. Lýðræði ritstjórna hefur aukist með nútímalegri stjórnunarstíl. Framkoma inn á ritstjórnum hefur mýkst og mun meiri meðvitund er meðal fjölmiðlamanna um áhrif álags, áfalla og andlegrar líðan, en þetta gerðist í kjölfar aukins fjölda kvenna og yngri kynslóða. Staða kvenna hefur batnað til muna og flestir upplifa tækifæri kynjanna til starfsframa nokkuð jöfn. Þær virðast eiga auðveldara með komast í stjórnunarstöður ef þær sækjast eftir því. Enn er kynjahalli á ritstjórnum en nokkrar þeirra vinna markvisst að því að jafna hann út. Margt má bæta, til dæmis mætti halda betur utan um fólk þegar það lendir í áföllum sem geta fylgt starfi. Það mætti einnig styðja betur við ungt fólk sem er að taka sín fyrstu skref í fjölmiðlum, enda mikið álag og áreiti sem fylgir starfinu sem tekur tíma að venjast. Vinnutími fjölmiðlamanna er teygjanlegur og krefst sveigjanleika sem og laun því margir vinna launalaust til að taka þátt og missa ekki af. Flestir eru ánægðir í starfi sínu en starfið er erfitt og skemmtilegt og því fylgir ýmist sorg eða gleði. \nLykilhugtök: Vinnustaðamenning, fjölmiðlafólk, fjölmiðlar, þróun, álag, konur, húmor

Fetched live from OpenAlex and de-inverted. Abstracts are not stored in this database: the inverted indexes are 8.6 GB of the frame’s 9.3 GB of text, and the host has 13 GB free.