„Íþróttirnar björguðu mér“ : reynsla afreksíþróttafólks með erfiða upplifun í æsku af íþróttaiðkun

Bakgrunnur: Rannsóknir sýna að erfið uppvaxtarskilyrði og skortur á viðeigandi umönnun getur skapað sjúklega streitu og haft margþætt neikvæð áhrif á börn og ungmenni. Barnið á erfitt með að treysta og tengjast fólki sem getur komið fram í vanstilltri hegðun og erfiðleikum með tengslamyndun og traust seinna í lífinu. Athvarf í öruggu umhverfi hefur mikla þýðingu og tengsl við fullorðna umönnunaraðila sem eru jákvæðar fyrirmyndir geta verndað börn fyrir skaðlegum áhrifum neikvæðrar æskureynslu.
\nTilgangur: Að skoða reynslu afreksíþróttafólks með erfiða upplifun í æsku af íþróttaiðkun með það að markmiði að auka þekkingu og dýpka skilning á þeim afleiðingum sem slík reynsla getur haft og gildi íþróttaiðkunar fyrir þennan hóp.
\nAðferð: Rannsóknaraðferð var eigindleg og unnið var eftir tólf meginþrepum Vancouver-skólans í fyrirbærafræði. Tilgangsúrtak var notað og voru þátttakendur í rannsókninni sjö talsins, tveir karlmenn og fimm konur. Hálfstöðluð djúpviðtöl, tvö viðtöl við hvern þátttakanda, samtals fjórtán viðtöl.
\nNiðurstöður: Erfið upplifun í æsku getur haft mikil áhrif á líf og íþróttaferil afreksíþróttafólks. Niðurstöður voru greindar í fjögur meginþemu: Neikvæðir áhrifaþættir í uppvexti; Íþróttaferill og áhrifavaldar; Andleg líðan í æsku og á fullorðinsárum; Veganesti út í lífið. Þátttakendur áttu það sameiginlegt að íþróttaiðkunin var þeirra útgönguleið úr erfiðum aðstæðum auk þess að hjálpa þeim við að halda sig á beinu brautinni í lífinu. Erfið lífsreynsla gerði þau að sterkum einstaklingum sem hafa lært að takast á við hindranir í lífinu.
\nÁlyktanir: Afreksíþróttafólk getur verið að burðast með erfiða reynslu og óuppgerðar tilfinningar megnið af ferlinum. Stuðla þarf að aukinni fræðslu í íþróttaheiminum um þessi mál og opna á umræðuna um erfiða æskureynslu. Það að fá tækifæri til að stunda íþróttir getur verið lífsspursmál og íþróttahreyfingin er í lykilaðstöðu þegar kemur að málefnum barna og ungmenna. 
\nLykilorð: erfið lífsreynsla í æsku, afreksíþróttafólk, geðheilsa, íþróttaferill, frammistöðukvíði, drifkraftur, eigindleg rannsóknaraðferð, fyrirbærafræði.

Récupéré en direct depuis OpenAlex et désinversé. Les résumés ne sont pas conservés dans cette base de données : les index inversés représentent 8,6 Go des 9,3 Go de texte de la base, et le serveur dispose de 13 Go libres.