Reynsla dæmdra afbrotamanna af æskuáföllum

Víða um heim hafa rannsóknir sýnt að há prósenta dæmdra afbrotamanna upplifðu æskuáföll af ýmsu tagi og hafa gengið í gegnum lífið með þau áföll ómeðhöndluð. Bein tenging hefur fundist á milli áfalla í æsku og
\nafbrotahegðunar.
\nTilgangur þessarar rannsóknar er að skoða reynslu dæmdra afbrotamanna af
\næskuáföllum og auka þekkingu og dýpka skilning á reynslu þeirra. Þá
\nþekkingu er svo hægt að nýta til að setja saman þverfaglega betrunarstefnu í íslenskum fangelsum sem tekur á afleiðingum áfalla. Rannsóknaraðferðin sem stuðst var við var Vancouver-skólinn í fyrirbærafræði. Þáttakendur voru tíu karlmenn sem hafa reynslu af æskuáföllum og hafa fengið fangelsisdóm.
\nTekin voru tvö til þrjú viðtöl við hvern þátttakanda eða þar til mettun gagna hafði náðst.
\nMeginniðurstöður rannsóknar eru að reynsla þátttakenda af æskuáföllum
\nhafði áhrif á afbrotahegðun þeirra. 
\nFimm meginþemu voru sett fram: 
\nStreita og kvíði, skömm, hugarfarsbreyting eftir áfall, brotin sjálfsmynd og áhættuhegðun. 
\nGríðarleg vanlíðan, líkamleg jafnt sem andleg, fylgdi áföllum.
\nÞátttakendur höfðu ekki gert sér grein fyrir sumum áföllunum fyrr en þeir fóru að tala um þau í rannsókninni og upplifðu létti og betri líðan eftir á. Þeim finnst þeir allir hafa verið sviknir af sínum nánustu og af „kerfinu“ þegar þeir voru ungir drengir.
\nNiðurstöður benda til að ungir drengir sem lenda í áföllum fá ekki nægilega aðstoð. Setja þyrfti á fót kerfi sem skimar fyrir og tekur á æskuáföllum drengja og fullorðinna karlmanna. Þá má benda á létti og betri líðan þátttakenda eftir viðtölin úr þessari rannsókn sem góðan grundvöll fyrir samtalsmeðferð fyrir afbrotamenn sem hafa upplifað æskuáföll.

Récupéré en direct depuis OpenAlex et désinversé. Les résumés ne sont pas conservés dans cette base de données : les index inversés représentent 8,6 Go des 9,3 Go de texte de la base, et le serveur dispose de 13 Go libres.