,,Það vantar meiri skilning á manni" : reynsla íslenskra mæðra sem eru þolendur kynferðislegs ofbeldis í æsku af barneignarferli og móðurhlutverki

Vitað er að kynferðislegt ofbeldi í æsku hefur langvarandi og víðtækar afleiðingar fyrir heilsufar kvenna, en þörf er á aukinni þekkingu og dýpri skilningi á reynslu þolenda af barneignarferli og móðurhlutverki. 
\nTilgangur: Að auka þekkingu og dýpka skilning á reynslu mæðra sem eru þolendur kynferðislegs ofbeldis í æsku og hvaða áhrif það getur haft á barneignarferli og móðurhlutverk.
\nAðferð: Eigindleg fyrirbærafræðileg aðferð Vancouver-skólans. Tekin voru eitt til tvö djúpviðtöl við níu mæður sem allar höfðu orðið fyrir kynferðislegu ofbeldi fyrir átján ára aldur, samtals 16 viðtöl, og niðurstöður þemagreindar. 
\nNiðurstöður: Allar mæðurnar höfðu upplifað erfiðleika og áföll í barneignarferlinu, ýmist á meðgöngu og/eða í fæðingu sem og í sængurlegu og á fyrstu mánuðum barnsins. Flestar höfðu haft mörg frávik frá eðlilegu barneignarferli. Meirihlutinn hafði fundið fyrir áhrifum ofbeldis á heilsufar sitt og þurft mikla þjónustu frá heilbrigðiskerfinu. Yfirþema niðurstaðna er: „Það vantar meiri skilning á manni“ sem lýtur að því að reynsla þátttakenda var að enn vanti skilning, bæði almennings og heilbrigðisstarfsfólks á langvarandi áhrifum kynferðisofbeldis í æsku á mæður og reynslu þeirra af barneignarferlinu og móðurhlutverki. Þrjú undirþemu voru greind: 1) „Það er alls konar að mér“ sem lýtur að líkamlegum og sálrænum áhrifum á heilsufar, almennt og á meðgöngu. 2) „Í fæðingunni er maður mest berskjaldaður“ sem lýtur að áhrifum á meðgöngu og fæðingu, á tilfinningar, reynslu af fæðingarþjónustu, sérstaklega þjónustu ljósmæðra. 3) „Þroski litaður sársauka“ sem lýtur að áhrifum á móðurhlutverkið, áskoranir, líðan og þörf fyrir stuðning og úrvinnslu. 
\nÁlyktun: Auka þarf þekkingu ljósmæðra, annars heilbrigðisstarfsfólks og almennings á málefninu til að dýpka skilning á því þannig að hægt sé að bæta þjónustu ljósmæðra, heilbrigðiskerfisins og reynslu mæðra af barneignarferli og móðurhlutverki. Þörf er á sérfræðiljósmóður sem væri ráðgefandi í málaflokknum.
\nLykilhugtök: Kynferðislegt ofbeldi í æsku, þolandi, barneignarferli, móðurhlutverk, ljósmóðir, heilbrigði kvenna, fyrirbærafræði, viðtöl.

Fetched live from OpenAlex and de-inverted. Abstracts are not stored in this database: the inverted indexes are 8.6 GB of the frame’s 9.3 GB of text, and the host has 13 GB free.